Апрелěн юлашки эрнинче пирěн шкулта чăваш чěлхи эрнине халалланă нумай енлě ěçсем пулса иртрěç. Уйрăмах пуçламăш классенче вěрентекенсем хăйсене çирěплетнě классенче çакăн йышши мероприятисем йěркелерěç: Кристина Юрьевна пěрремěш класс ачисене И.Я.Яковлев халалěсемпе паллаштарчě , Марина Николаевна иккěмěш класс ачисемпе пěрле чăваш тěррисен асамлăхěпе çыхăнтарнă ÿкерчěксем ÿнерлерěç, Алиса Вячеславовна хăйěн виççěмěш класра вěренекенěсемпе „ Ман Тãван çẽр-шыв – Чãваш Республики» презентаци тăрăх калаçу ирттерчě, тăваттăмěш класс ачисене вара Татьяна Петровна Чãваш çẽрẽн паллă ывãл-хẽрẽсемпе паллаштарчě. «Янра, чãваш чẽлхи» сăвă конкурсě те ачасен кăмăлне кайрě.
